పసుపు ఛాయల పడమటి నొసట,
వెలుగుతోంది అసుర సంధ్య, కస్తూరి తిలకమై...
చెదిరిన పావురాయి గుంపుల ముంగురులు,
నాట్యమాడె నల్లని, మబ్బుల చెంపలపై...
కాస్త క్రితం, నీటితో నిండుగా మెరిసిన, ఆ నీలి మేఘాల కన్నులు,
అలసి వాలెను, నిరీక్షణ ఇక భారమై...
ఇంతలో చల్లని వెన్నెల నవ్వు వరమిచ్చె,
పంచమి చంద్రుడు, నీ రూపు ప్రతిబింబమై...
ఒక్క క్షణం, ఈ దూరం నిజమన్న భ్రమలో మునిగిపోతున్న నాకు,
నీ ఆలోచన మళ్ళీ ఊపిరి పోసింది..!
No comments:
Post a Comment