అమ్మ ఇచ్చిన పట్టీలను సొగసుగా అలంకరించుకుని,
అపురూపంగా చూసుకునేది.
చల్లగాలినే ప్రియునిగా, తారలే చెలికత్తెలుగా,
ప్రకృతి మైదానం తన ఆస్ధిగా మురిసిపోయేది.
వట వటా మాట్లాడేది, పట పటా తిరిగేది.
ఊరిలో పండగైతే, సందడంతా ఈమెలోనే!
లయ బద్దం, ఆమె చేతి గాజుల శబ్దం,
ఆమె చేసే ప్రతి పనీ ఒక నాట్యం.
మల్లె తీగ ఆమె నేస్తమే,
మల్లె మొగ్గ విరిసేది ఆమె కోసమే!
ఆమె చిరు మందహాసం,
కలిగించు స్వర్గలోక నివాసం!
కనిపించేది ఆమె భౌతిక రూపం, కాదిది అసలు విషయం.
తరచి చూడు, ఆమె ఒక నిండైన మేఘం.
మనసు (గాలి) వాటం నిర్దేశించు ఆమె ప్రయాణం.
చెలిమి స్పర్శ తో కురియు, ఆభిమానపు వర్షం.
జీవితమంతా పారును, ప్రేమ ప్రవాహం.
బదులుగా కొరేది కేవలం నీ స్నేహం!
ఇది అమ్మాయి మనస్తత్వం!!
No comments:
Post a Comment